Poetja Irma Kurti boton në gjuhën angleze përmbledhjen me poezi titulluar “Within a sorrow” (Brenda një trishtimi). Ky libër përmban shtatëdhjetë poezi të pabotuara më parë, të shkruara gjatë kohës së vështirë të mbylljes nga pandemia.

Në parathënien e librit autorja shkruan: “Brenda një trishtimi përmban vargje kushtuar dashurisë, ndjesive dhe emocioneve në muajt e vështirë të sëmundjes së babait tim, brishtësive gjatë kësaj periudhe dhe përpjekjeve për të qenë pozitive dhe për të gjetur rrezet e diellit në mes të mjegullës. Në to gjen dhimbje, zhgënjim dhe qiell gri, por edhe dëshirën për të takuar lumturinë e qetësinë në natyrë, në një udhëtim të gjatë për të dalluar dritën pas stuhisë.”

Kjo përmbledhje poetike botohet nën kujdesin e Bibliotekës Kombëtare në Filipine, e cila do të mbajë në arkivin e saj disa kopje të librit.

“Brenda një trishtimi” është libri i pestë i autores shqiptare Irma Kurti në anglisht. Ajo ka botuar gjithashtu 23 libra në gjuhën shqipe dhe 16 në italisht.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.