Mostaciola është një ëmbëlsirë pjesë e një rituali të vjetër dhe tradicional të disa fshatrave arbëreshe. E gatuar kryesisht me miell dhe mjaltë dhe e dekoruar me bajame të sheqerosura, kjo është një ëmbëlsirë tipike e dasmës arbëreshe.

Veçantia e përgatitjes vetëm në raste dasmash ka lidhje me simbolikën e figurave që e përbëjnë, ato kanë gjithmonë kuptime simbolike të lidhura me begatinë, pjellorinë, jetën e gjatë.

Janë disa simbole arkaike që riprodhohen në mënyrë besnike: dy pëllumbat që simbolizojnë bashkëshortët, zemrat për dashurinë, rrushi dhe hardhia që simbolizojnë urimet më të mira për të ardhmen. Ndonjëherë në ëmbëlsirë mund të vendosen edhe forma të ndryshme si lulet, brirët dhe degët.

Kjo ëmbëlsirë është në tryezën e të porsamartuarve dhe pas prerjes së tortës së dasmës bëhet gara e “thyerjes së mostacciolos”, lojë në të cilën marrin pjesë bashkëshortët dhe të ftuarit.

Gratë mbështesin nusen dhe burrat dhëndrin. Ky i fundit, duke tërhequr mostacciolo-n me njërën dorë, beson se do të fitojë, ndërsa mostacciolo, duke u thyer, pothuajse gjithmonë e bën nusen të triumfojë.

Rezultati final tregon se kush do të dominojnë shtëpinë. /DiasporaShqiptare.al/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.