Sot edhe nesër në Tiranë mbahet konferenca ndërkombëtare e përvitshme me temë “Migrimi, Diaspora dhe Zhvillimi në Shqipëri e në Ballkanin Perëndimor”.

Panelistët në këtë konferencë do të referojnë tema të ndryshme lidhur me migrimin, Diasporën dhe zhvillimin e Shqipërisë.

Të pranishëm në ditën e parë të konferencës ishin përfaësues nga Fondi Shqiptar për Zhvillimin e Diasporës, aktorë të ndryshëm interesi, organizata, etj.

Konferenca Ndërkombëtare organizohet nga Qendra për Studime Ekonomike dhe Sociale (CESS) dhe mbështetet financiarisht nga Fondi i Ballkanit Perëndimor (WBF) dhe Iniciativa e Evropës Qendrore (CEI).

Ky takim synon të bashkojë studiues dhe politikëbërës nga Ballkani Perëndimor në mënyrë që të krijojë një forum për shkëmbimin e njohurive dhe diskutimin e çështjeve të fokusuara në kërkimin dhe politikat e migracionit. Për më tepër, ai synon të sfidojë modelet dhe diskurset ekzistuese të migracionit, të adresojë sfidat aktuale të politikave dhe të ofrojë zgjidhje për shfrytëzim më të mirë të lëvizshmërisë njerëzore.

Konferenca do të fillojë me fjalimet kryesore nga studiues të shquar mbi studimet e migracionit, të ndjekur nga disa prezantime të punimeve kërkimore.

Më shumë detaje mund të gjeni në axhendën e bashkangjitur.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.