Akademiku Arben Merkoçi është përzgjedhur për të qenë pjesë e grupit të punës për Zonën Europiane të Kërkimit ERA.

Drejtuesi i intitutit “NanoAlb” dhe profesor në Institutin e Nanoshkencës dhe Nanoteknologjisë, ICN2 të Katalanjës në Spanjë, Merkoçi do të jetë pjesë e ekipit prej 25 shkencëtarësh të zgjedhur nga të gjitha vendet e Botës.

Zona Europiane e Kërkimit (ERA), është një mision që lidhet me vizionin e kërkimit pa kufij, inovacionin dhe teknologjinë në të gjithë BE-në. Edhe pse ERA ka ardhur duke u zgjeruar që nga viti 2000, Komisioni Europian së fundmi i ka hyrë ambicjes për rigjallërimin e saj, duke u angazhuar për riafirmimin dhe koordinimin e Shteteve Anëtare për të forcuar qarkullimin e lirë të studiuesve, por edhe të njohurive, përsosmërisë, karrierës tërheqëse, shanseve të barabarta dhe bashkëpunimit midis aktorëve të kërkimit dhe inovacionit, dhe për të investuar kërkimin dhe inovacionin.

Nën kryesimin e profesoreshës Kerstin Sahlin të Akademisë Mbretërore Suedeze të Shkencave, grupi i punës do të angazhohet me institucionet europiane, veçanërisht në Komisionin Europian, dhe do të bashkëpunojë me organizatat ombrellë me të njëjtin vizion në fokusin europian të kërkimit dhe inovacionit.