Në kuadër të Javës Ndërkombëtare të Librit për Fëmijë organizuar në Stokholm të Suedisë, shkrimtarja e librave për fëmijë, Rudina Çupi, pati një takim në Ambasadën e Republikës së Shqipërisë në Suedi, me praninë e ambasadorit të Shqipërisë, z. Virgjil Kule, ambasadores së Kosovës atje znj. Shkendije Geci-Sherifi, drejtueses së projektit me bibliotekat ndërkombëtare të Stockholmit, znj. Matilda Wallin, koordinatores, znj. Arta Emiri, si dhe mësuesve shqiptarë që janë të përfshirë në mësimdhënien e gjuhës shqipe në Suedi.

“Ky projekt i parë me autorë shqiptarë të librit për fëmijë uroj të jetë vetëm fillimi i një bashkëpunimi të vazhdueshëm, që do të jetë ndihmues për të gjitha palët, për bibliotekat ndërkombëtare suedeze, mësuesit, prindërit e fëmijët shqiptarë që jetojnë këtu”, shprehet Rudina Çupi.

Tryeza e këtij takimi ishte e mbushur plot me libra. Një pjesë e të cilëve ishin botime nga Qendra e Botimeve për Diasporën si pjesë e misionit të saj për të shpërndarë tekste shkollore dhe tekste ndihmëse kudo ku mësohet gjuha shqipe në diasporë, si dhe loja “Rroketoket” me të cilën fëmijët mësojnë rrokjet e para në shqip.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.