Chris Nikic atleti shqiptaro-amerikan vazhdon të vrapojë drejt suksesit. Në moshën 22-vjeçare, Chris, i lindur me sindromën Down, ishte mes mijëra vrapuesve në Maratonën e këtij viti në Boston.
“E dini … ishte disi e vështirë”, tha Chris Nikic përmes Zoom nga dhoma e tij e hotelit në Boston një ditë pas ngjarjes.
Ai e përfundoi maratonën në 6 orë, një minutë dhe 22 sekonda. “Unë u bëra personi i parë me sindromën Down që përfundoi një Ironman dhe gjithashtu personi i parë me sindromën Down që përfundon Maratonën e Bostonit.”
Në nëntor të 2020, Chris Nikic hyri në histori si personi i parë me sindromën Down që përfundoi një garë Ironman në më pak se 17 orë. Që atëherë, ai ka qenë pa pushim aktiv, duke i treguar botës se aftësia e kufizuar intelektuale nuk është pengesë për të.
Lexo edhe: SHBA/ Shqiptaro-amerikani Chris Nikic vendos rekord Gines
“Ishte e mahnitshme. Vetëm duke parë inkurajimin që vinte nga të gjithë njerëzit. Ai me të vërtetë pati një shans për të takuar shumë njerëz, për të marrë shumë përqafime”, tha Nik Nikic, babai i Chris për mediat amerikane.
“Për të nuk ka të bëjë me përfundimin në një kohë të caktuar – gjashtë orë ishin një objektiv i mirë – ka të bëjë me argëtimin dhe të qenit atje jashtë, në mënyrë që njerëzit të shohin që individët me sindromën Daun i përkasin edhe këtyre ngjarjeve”, shtoi ai.
Për familjen Nikiç, të qenit pjesë e ngjarjeve të mëdha të atletëve shkon përtej vijës së finishit. Ka të bëjë me përfshirjen.
“Ai po hap dyert për njerëzit e tjerë si ai. Për shembull, nuk kishte asnjë individ tjetër, me sa dimë, nga 20,000 pjesëmarrës, me aftësi të kufizuara intelektuale këtu, dhe kështu ne mendojmë se kjo duhet të ndryshojë, ”tha Nik Nikiç.
Nik Nikiç theksoi se qëllimi është të frymëzojë të tjerët si djali i tij dhe të ndryshojë tregimin rreth atyre që mund të marrin pjesë në ngjarje atletike.
“Të paktën në këtë vend, ka 6.5 milion njerëz me aftësi të kufizuara intelektuale, 200 milion në të gjithë botën, dhe unë mendoj se është koha që ata të kenë kategorinë e tyre dhe të përfshihen në këto ngjarje të mëdha,” tha ai.
Pra, çfarë ka tjetër në plan Chris? Pjesmarrjen në maratonën e qytetit të Nju Jorkut më 7 nëntor.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
