Doktor Arbër Shehu është hulumtues shkencor në Universitetin Johns Hopkins Medicine në Maryland të SHBA. Në një intervistë për emisionin “folshlirmebuqen” për procesin e vaksinimit ai shprehet se vaksinimi është mjaft i dobishëm dhe ndikon në shmangien e numrit të lartë të hospitalizimeve dhe vdekjeve.

“COVID ka shkaktuar problem të shumta në të gjithë vendet, ka shkaktuar probleme në shëntetin mendor, shëndetin ekonomik të shumë vendeve në botë. Mua si shkenctar më ka ndikuar për të menduar më gjatë se çfarë duhet të bëjmë për të ardhmen në hulumtime. Unë studimet I kam mbaruar në Kosovë dhe më pas fitova një bursë për të studime në SHBA. Grupi ku unë punoj momentalisht është një grup i vogël i cili është në fillimet e tij, por është bërë pjesë e projekteve të rëndësishme për matjen e efektit të vaksinave. Ende jemi duke mbledhur të dhënë dhe duke zhvilluar analiza të ndryshme. Vaksinat kanë treguar një mbrojtje të lartë ndaj hospitalizimit, ndaj mund të themi se vaksinimi e ka bërë efektin e vet në evitimin e hospitalizimit dhe vdekjes, sidomos me variantin e ri Delta. Nëse personat vaksinohen, janë shumë më të mbrojtur”, shprehet Dr.Arbër Shehu.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.