Programi i Diasporës së IOM në Shqipëri ka zhvilluar një sërë aktivitetesh. Si pjesë e programit për përfshirjen e Diasporës shqiptare në zhvillimin social dhe ekonomik të Shqipërisë, gjatë muajve Korrik-Gusht kanë vizituar Shqipërinë profesionistë të  mrekullueshëm nga komuniteti arbëresh dhe ekspertë italianë në fushën e bujqësisë, agroturizmit, historisë, alpinizmit, arkeologjisë, artit, muzikës, teatrit, etj., të cilët kanë dhënë kontributin e tyre të çmuar për zhvillimin e mundshëm të komuniteteve lokale.

Një ndër projektet kryesore ka qene edhe “NAIM-A TOUR”, në bashkëpunim me “NaimaFoundation dhe CESVI”, me mbështetje financiare nga AICSTirana.

Michele Minisci nga “Naima Foundation” tregon ndjesitë e tij kur ndodhet në vendin e të parëve të tij: “Unë jam Michele Minisci dhe jam arbëresh nga Italia, Kalabria. Kur jam në Shqipëri dhe të gjithë flasin shqip, ndihem ndryshe dhe dhe më kujtohen rrënjët e mia, sepse këtu gjithçka flet shqip dhe unë ndihem shumë e përfshirë. Projekti quhet Naim Tour, sepse poeti juaj më i famshëm quhej Naim Frashëri dhe ndaj ne kemi bërë këtë kombinim dhe kemi realizuar këtë aktivitet shumë të veçantë. Në grupet tona kishte ekpertë të fushave të ndryshme shumë të njohur në profilin e tyre. Njerëz që me ekperiencën e tyre kontribuojnë për të dhënë ide se si mund të përballohen disa situata të ndryshme.”

Fausto Faggioli, ekspert i turizmit rural shprehet se Shqipëria ka shumë për të dhënë në fushën e turizmit: “Këtu ende ka mbetur gjallë tradita, e cila duhet të mirëmbahet dhe të ringrihet. Sot nuk shitet më një dhomë hoteli dhe një pjatë, por një sistem i tërë, ndaj në turizmin e sotëm është shumë e rëndësishme se çfarë më ofrohet.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.