“Shkolla Shqipe” në Zvicër vazhdon me hapjen e klasave të reja për nxënësit shqiptarë
Me mbështetje të Ambasadës së RSH-së në Bern, një tjetër shkollë e gjuhës shqipe ka hapur dyert në qytetin Vevey (VAUD), për të gjithë ata fëmijë që duan të mësojnë gjuhën amtare, kulturën dhe historinë shqiptare.
Në ditën e hapjes së shkollës shqipe (13 tetor 2021), përveç prindërve, nxënësve e mësueses Ardita Abazi Elezaj, ishin të pranishëm këshilltari i Ambasadës së RSH-së, Valon Gashi dhe Koordinatori i “Shkollës Shqipe”, Vaxhid Sjediu.
Gjithashtu, nxënësve të kësaj shkollë iu dhuruan dhe tekstet shkollore që janë të dedikuar për nxënësit e diasporës. Mësimi në këtë shkollë zhvillohet një herë në javë, çdo të mërkurë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
