Ambasada e Republikës së Shqipërisë në Sofje të Bullgarisë njofton se kanë mbërritur tekstet mësimore për vitin shkollor 2021-2022.
60 tekste “Të mësojmë gjuhën shqipe dhe kulturën shqiptare 1, 2, 3”, të paracaktuara për mësimdhënien në Diasporë janë dërguar falas nga Qendra e Botimeve për Diasporën, me mbështetjen e Ministrisë për Evropën dhe Punët e Jashtme, për të gjithë fëmijët shqiptarë që ndjekin kurset e mësimit të gjuhës shqipe në Sofje.
“Ruajtja, mësimi dhe promovimi i gjuhës shqipe është detyra jonë e përbashkët dhe në këtë mision fisnik, falenderojmë përzermërsisht fëmijët e diasporës shqiptare në Bullgari për përkushtimin dhe devotshmërinë e treguar me buzëqeshjen dhe sytë plot dashuri për tektet mësimore”, shkruhet ndër të tjera në postimin e Ambasadës së Repubikës së Shqipërisë në Sofje.
Të gjithë të interesuarit për tekste mësimore të kontaktojnë në adresën: [email protected] ose në nr.cel +359 894 311 493 (Whatsapp dhe Viber).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.