Lidhja e Gruas Shqiptare në Greqi është një organizim tejet aktiv në vendin fqinj. Shpesh kjo organizatë ka ndërmarrë nisma humanitare që i kanë ardhur në ndihmë komunitetit shqiptar dhe më gjerë. Nisma e radhës është mbështetja ndaj grave shqiptare që vuajnë dënimet në institucionet e Ekzekutimit të Vendimeve Penale për Gra në Greqi. Shoqata ka bërë me dije se do të zhvillojë një vizitë në këtë institucion me datë 12 tetor dhe fton të gjithë të interesuarit të kontribuojnë me ndihma.
Njoftimi i plotë:
Në vijim të përpjekjeve tona të koordinuara, Lidhja e Gruas Shqiptare në Greqi ka marrë aprovim për të vizituar Institucionin e Ekzekutimit të Vendimeve Penale për Gra, në Elaiona-Thiva.
Përtej regjistrimit të nevojave të grave shqiptare, për herë të parë nga një shoqatë shqiptare do të jepet dhe shfaqje artistike për të gjitha gratë që vuajnë dënimin.
Në këtë institucion, vuajnë dënimin e tyre me heqje lirie shumë gra, disa prej të cilave ndodhen aty me foshnjat e tyre të moshës 0-3 vjeç.
Pas komunikimit me organet kompetente na u komunikua lista e materialeve te cilat mund të dhurojmë gjatë vizitës tonë. Ajo konsiston në:
– Libra në gjuhën shqipe
– Të brendshme (të reja) për gra
– Produkte sanitare të higjenës personale si shampo flokësh, trupi, pastë dhe furça dhëmbësh, peceta për menstruacionet, letër higjenike etj.
– Shapka dimërore dhe verore (numra të ndryshëm)
– Pelena për fëmijë nr. 4-5-6
– Qumësht me kuti për bebe deri në 3 vjeç
– Lodra dhe veshmbathje për të njëjtën grupmoshë
– Telekarta
Kjo vizitë e cila do të realizohet me datë 12 Tetor 2021, vjen si lëvizje për të përcjellë sado pak kurajo dhe mbështetje për këtë pjese delikate dhe të vuajtur të komunitetit shqiptar.
Nëse dëshironi të mbështesni nismën tonë, mund te dhuroni materiale e veshmbathje të cilat do të protokollohen e do ti bashkëngjiten pregatitjeve tona me përkushtim dhe transparencë.
Grumbullimi do të bëhet këtë të diel, 10 Tetor 2021 në zyrat tona, nga ora 10:00 deri me 13:00.
Adresa: Omirou 56, Nea Smirni.
Nr. telefoni: 6943944093, 6942839459 dhe 6979256135.
Mirëpresim mbështetjen tuaj!
Bashkë bëhemi me te forte.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
