Kryesia e Lidhjes së Arsimtarëve dhe Prindërve Shqiptarë në Bavari, në bashkëpunim me bashkëkombësit dhe prindërit, që jetojnë dhe veprojnë në Komunën e Starnbergut arritën suksesshëm t’ua hapin dyert e shkollës shqipe me mësim plotësues fëmijëve shqiptarë.

“Fillimi i mbarë është gjysma e punës”, me këtë moto u organizua komuniteti shqiptar i Komunës në Starnberg, Gjermani kur vendosi për hapjen e klasës së gjuhës shqipe.

Pas një pune të gjatë ditën e premte më 1 tetor 2021 në ambientet e Gjimnazit në Starnberg, komuniteti shqiptar, përfaqësues të Konsullatave, Shoqata Besa, intelektualë e dashamirës të gjuhës si dhe kryesia dhe një grup i mësuesëve të Lidhjes së Arsimtarëve dhe Prindërve Shqiptar (LAPSH) ju uruan femijeve “mirëseardhjen” në klasën e mësimit të gjuhës shqipe.

Nxënësit u pajisën me librat e dërguar falas nga Qendra e Botimeve për Diasporen (QBD).

Familje nga Herrsching, Germering, Gilching e Gauting ju bashkangjitën kësaj nisme.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.