Ditën e djeshme më 2 tetor 2021 Shoqata Ardhmëria hapi dyert për fillimin e mësimit të gjuhës shqipe.
Shoqata Ardhmëria ofron edukim të plotë të gjuhës dhe kulturës shqiptare për fëmijët shqiptarë. Klasa shqipe në 3 nivele të ndryshme:
1-klasa e parashkollorëve (5-6 vjeç)
2-klasa e Abetares (6-9 vjeç)
3-klasa e nivelit të dytë dhe të tretë. (10-15 vjeç)
Në programin tonë përfshihen:
– Mësimdhënia e gjuhës shqipe. (në shkollë dhe ONLINE)
– Aktivitete të ndryshme sportive dhe kulturore për fëmijët me qëllim që të jenë të shëndetshëm dhe të krijojnë dashuri për vendin dhe kulturën e tyre si vallet tradicionale shqiptare.
– Organizohen aktivitete kulturore për të festuar festat kombëtare.
– Ofrohen këshilla për nevojat personale e ekonomike të komunitetit shqiptar.
– Ofrohen aktivite të ndryshme edukimi dhe programe për të forcuar konfidencën e femrës shqiptare duke i mundësuar stabilizim të plotë në Londër.
Pas fjalës së hapjes nga drejtori i kësaj shkolle Z. Lutfi Vata e morën fjalën mësueset Znj. Aida Haziri, Znj. Anila Kadija, Znj. Albana Vata dhe prindërit. “Kishim midis nesh, me librin e tij me poezi Z. Xhavid Gasa. I cili e zbukuroi mirë se ardhjen e fëmijëve. Falenderojmë ndihmën konkrete të QBD-së, për kontigjentin e librave të vjetshëm, të cilin po e shfrytëzojmë në shkollë duke i paisur të gjithë fëmijët e shkollës tonë edhe për vitin shkollor 2021-2022. Një ndjesi krejt ndryshe, në shkollë së bashku, pranë njëri-tjetrit, e cila na mbushi plot energji sot”, shkruhet në njoftimin e shkollës.
Adresa e shkollës: St.Augustine’s School, NË6 5SN
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.