Shkolla shqipe Scanderbeg në Parma pas një sërë përgatitjesh, do të nis kursin e gjuhës dhe kulturës shqipe në Parma.
Ditën e shtunë në orën 15.00 të gjithë nxënësit e regjistruar deri tani do të jenë në lidhje on line me mësuesit e shkollës shqipe Scanderbeg në Parma.
Shkolla, e organizuar me mësues vullnetarë, vihet në shërbim të komunitetit si mundësi për të rinjtë e fëmijët shqiptarë të lindur larg atdheut. Mësimi do të mbahet në distancë, sipas rregullores së vendit, çdo të shtunë nga ora 15.00. Lëndët mësimore që do të jepen janë: abetare, gjuhë e letërsi shqipe, histori e gjeografi shqipe, muzikë e tradita shqiptare, pikturë e art pamor.
Shkolla shqipe “Scanderbeg” në Parma është themeluar në tetor të 2009-ës dhe prej 11 vjetësh tashmë ndihmon në ruajtjen e mësimin e gjuhës shqipe dhe kulturës në brezat e rinj.
Mësuesit vullnetarë për këtë vit shkollor do të jenë:
Durim Lika
Elvira Lashi
Elona Marika
Sabrije Kulla
Nertila Dervishi
Zamira Shkurti
Mimoza Cerri (nga semestri i dytë)
Erlinda Hoxha (Pjeçi) Drejtoreshë e shkollës shqipe “Scanderbeg”.
“I lutemi prindërve që nuk kanë marrë modulin e regjistrimit të nxënësit të na kontaktojnë në:
Via Bocchi, 9/B Parma
Tel: 0521291583
Cel: 3287695758”, shkruhet në njoftimin e shkollës në Facebook.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.