Përfaqësues të shoqatës D.E.A. (Donne Emigrate Albanese)– Gratë Shqiptare Emigrante në Itali, mësues dhe vullnetarë të nisjes së shkollës së parë shqipe në Ravenna, Itali, ishin në një takim me disa nga përfaqësuesit e shkollës shqipe në Parma.

Gjatë takimit u shkëmbyen disa informacione, si mënyra e regjistrimit online të nxënësve, përgjegjësitë që dalin përpara dhe detyrimet ligjore që hasen gjatë këtij proçesi, në mënyrë konkrete.

Ky takim vjen si rrjedhojë e shkëmbim eksperiencës në seminarin orientues që shkolla shqipe “Scanderbeg” në Parma organizoi dhe që u zhvillua disa ditë më parë me disa nga shkollat e reja në Diasporë.

“Shkolla jonë ndër vite ka dhënë gatishmërinë për të qenë në krah dhe për të nxitur hapjen e shkollave shqipe në Itali e jo vetëm, duke ndihmuar me bashkë ndarjen e eksperiencës, gjithashtu edhe materiale didaktike, portale e forume online.

Më pas shkolla shqipe “Scanderbeg” në Parma dhuroi një kontingjent librash didaktikë dhe artistikë për të krijuar kushtet për nisjen e menjëhershme të shkollës shqipe në Ravenna. “Mbrojtja e gjuhës shqipe është detyrë dhe peng nderi për çdo shqiptar”, shkruhet në Facebook-un e shkollës shqipe “Scanderbeg” në Parma.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.