Sot në Qendrën Artistike dhe Kulturore Shqiptare “Margarita Xhepa”, u zhvillua takimi i dytë i projektit Assoalbania Piemonte “Thurja, artet dhe kulturat në dialog”, i cili u përqëndrua në temën e njoftimit për shtyp në fushën gazetareske.

Dy figura kryesore profesionale të cilat referuan ishin Laura Avidano, gazetare në Gazzetta d’Asti dhe tenori lirik Enrico Iviglia me një vokalizëm të lehtë lirik.

Gazetarja Laura Avidano shpjegoi se çfarë është njoftimi për shtyp, strukturën e tij, gjuhën e njoftimit për shtyp dhe si shpërndahet si në shtypin tradicional ashtu edhe në internet.

Ndërsa tenori Enrico Iviglia, përmes historisë së tij autobiografike, foli me simpati të madhe për librin e tij të ri “Gratë në Opera”, si dhe mënyrën se si ndarje e informacioneve ka ndikuar në karrierën e tij profesionale.

Impresiv ishte mesazhi që ata donin të përcillnin tek studentët, por mbi të gjitha tek të rinjtë, në besimin e një ëndrre, duke luftuar dhe punuar pa u dorëzuar!

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.