Ermira Leskaj është vlerësuar si një nga 50 sipërmarrëset model në  North Rhine-Westphalia, të cilat u shpallën nga Ministri Federal i Ekonomisë  Peter Altmeier. Juria e përbërë nga përfaqësues të kompanisë “WOMEN” zgjodhën atë me motivacionin “Për kontributin e dhënë si vullnetare ne shkollat, universitete si dhe në aktivitete rajonale për promovimin e  sipërmarrjeve të drejtuara nga gra si dhe për evidentimin e grave në biznes dhe shoqëri.

Vajzë e një diplomati shqiptar, Leskaj e rritur në Kanada është njohëse e gjashtë gjuhëve. Përpara se të gjente rrugën e saj në shërbimet sociale ajo është diplomuar si soprano.

Gjithashtu Leskaj ka punuar si vullnetare me refugjatët Sirianë të cilët i ka mbështetur për tu përshtatur me kulturën gjermane.

“Mbështetja e të rinjve është e rëndësishme për mua, sidomos pjesa që lidhet me migrimin dhe integrimin. Ndihmoj veçanërisht njerëzit me më pak mundësi dhe fëmijët e sëmurë, familjet e tyre që t’ja dalin në përditshmëri” shprehet ajo.

Leskaj ka themeluar në Xanten kompaninë e saj ku ka të punësuar rreth 100  persona. Aty ajo mbështet gratë dhe vajzat, idetë e tyre për të bërë biznes dhe forcuar pozitat në shoqëri./ Diaspora Shqiptare.al

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.