Ambasada e Republikës së Shqipërisë në Bern, ka filluar me shpërndarjen teksteve mësimore për nxënësit që vijojnë shkollën shqipe në Zvicër, 2021/2022 të dërguara falas nga Qendra e Botimeve për Diasporën.
Ambasada, fillimisht ka shpërndarë tekstet mësimore në kryeqytetin zviceran, Bern, për të vijuar në javët e ardhshme edhe në Katone të tjera. Më konkretisht, dje tekstet mësimore u shpërndanë në shkollën e Wittigkofenit në Bern, ku mësuese Majlinda Shaqiri zhvillon mësimin me rreth 20 nxënës.
Ishte një kënaqësi e madhe të shihnim nxënësit e interesuar për gjuhën, historinë, gjeografinë dhe kulturën shqiptare.
Librat e shpërndarë janë siguruar dhe botuar nga QBD-ja në zbatim të Vendimit të Këshillit të Ministrave për “Miratimin e çmimeve dhe të kategorive që përfitojnë falas tekstet e botuara nga Qendra e Botimeve për Diasporën, për vitin shkollor 2021-2022”, si dhuratë nga autoritetet shqiptare për fëmijët në Diasporë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
