Shoqata “Studenti” në Zvicër është themeluar në vitin 2000 dhe është krijuar nga studentët shqiptarë në Zyrih. Të rinjtë e kësaj shoqate do të nisin takimet për vitin e ri akademik më datë 30 shtator 2021 në orën 18:30.

“Rikthehen Shoqata Treffs”, kështu i quajmë takimet tona javore, ku janë të mirëseardhur të gjithë studentet/studentët që janë të interesuar në aktivitetet dhe projektet tona, me qëllim të rrjetëzimit të studenteve/studentëve shqiptar me ne dhe ndërmjet tyre. Pas thuajse tri semestrave online, rikthehet jeta në kampusin e universiteteve! Këtë duam të shfrytëzojmë duke ju mundësuar studenteve të reja/ studentëve të rinjë të njihen në mes vetes dhe me studente dhe studentë më të përparuar. Me qëllim që të mund të përfitojnë nga informatat mbi studimet!

Gjithashtu do të prezantojmë edhe agjendën e semestrit tonë dhe do të jemi të gatshëm për pyetjet tuaja”, shkruhet në njoftimin e shoqatës “Studenti” në Facebook.

Takimi do të zhvillohet në Në CAB D21, Universitätsstrasse 6, 8092 Zyrich

Shoqata “Studenti” është e akredituar në Universitetin e Cyrih-ut UZH dhe në ETH. Që nga fundi i viteve të 90-ta, studentët shqiptar në Zyrih janë takuar rregullisht me njëri-tjetrin, ndaj ka lindur ideja për krijimin e një shoqate të tillë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.