Në nëntor të gjithë shqiptarët që jetojnë në Greqi të cilët kanë marrë provimin e gjuhës në muajin maj, do të zhvillojnë intervistën e nënshtetësisë.

Këto ditë është publikuar në gazetat greke qarkorja për intervistën e integrimit e cila përcakton modelitetet se si do të zhvillohet kjo intervistë. Si fillim do të thirren ata të cilët kaluan provimin e gjuhës në muajin maj. Siç dihet kushti kryesor është që të vërtetohet nëse keni të ardhura të mjaftueshme për të jetuar në Greqi. Të ardhurat varen nga vitet e qendrimit dhe kushtet e secilit person. Të gjithë ata që kanë aplikuar me metodën e vjetër duhet të deklarojnë të ardhurat që nga viti 2015.

Intervistat zhvillohen çdo javë. Çdo komision mund të ftojë në intervistë çdo seancë deri në 10 persona. Kohëzgjatja e provimit me gojë nuk do tí kalojë 30 minuta. Të gjithë do të thirren për një intervistë nëpërmjet një ftese ku bashkangjiten të gjitha kushtet që aplikuesi të pranojë. Duhet që i interesuari të dorëzojë informacionin e kërkuar 10 ditë përpara. Udhëzohet që për personat me aftësi kufizuese të mundësohet arritja në vendin e intervistës, si dhe shoqërimi sipas problematikës shëndetësore.

Gjatë zhvillimit të intervistës, komisioni konstaton nëse mbi bazën e dokumentave që ka paraqitur i interesuari rezulton nëse ai plotëson plotëson ose jo kushtet e integrimit ekonomik dhe social, duke i bërë atij pyetjet që si më poshtë:

Cilat janë të ardhurat vjetore?

Nëse ka punë të qendrueshme në Greqi?

Nëse përmbush detyrimet tatimore?

Nëse ka krijuar lidhje farefisnore me shtetas grek?

Nëse vetë personi ose fëmijët janë të arsimuar në shkollë greke?

Nëse kanë marrë pjesë në seminare të edukimit professional me qëllim përmirësimin e aftësimit në punë?

Nëse merr pjesë në veprimtari vullnetare?

Nëse Greqia është vendbanim me kohë të plotë?

Gjithashtu anëtarë të jurisë bëjnë pyetje rreth zhvillimeve lokale, çështje aktuale politike etj.. (Është shumë e rëndësishme të jesh i informuar mbi çështjet politike dhe sociale të vendit ku jeton)./Tribuna/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.