Organizata e studentëve shqiptarë në Belgjikë “VLERA” ka prezantuar kryesinë e re për këtë vit akademik 2021-2022. “VLERA”  ka për qëllim të promovojë kulturën dhe identitetin kombëtar në të gjithë Belgjikën.

“Viti akademik universitar 2021-2022 po fillon dhe kemi kënaqësinë t’ju prezantojmë kryesinë tonë të re !

Si çdo vit, shoqata jonë ka për qëllim të promovojë kulturën dhe identitetin tonë kombëtar, jo vetëm në Bruksel, por në të gjithë Belgjikën.

Për të arritur më së miri këtë mision , këtë vit kemi rritur numrin e anëtarëve në kryesi, që të punojmë në kushte më të mira, për ta zhvilluar më shumë shoqatën dhe që ti arrijmë objektivat tona.

Për shkak të situatës sanitare vitin e kaluar, nuk kemi mundur të organizojmë një takim të hapur me të gjithë ju , por këtë sezon shpresojmë qe do të kemi mundësinë të mblidhemi në eventet tona. Portat e shoqatës janë të hapura për secilin nga ju”, shkruhet në faqen e Facebook të organizatës “VLERA”.

Kjo organizatë ka filluar punën e saj në tetor të vitit 2011.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.