Një tjetër klasë e mësimit të gjuhës shqipe ka hapur dyert në Zvicër. Të mërkurën e kaluar, më 15 shtator 2021 në qytezën Cham në Kantonin e Zug-i, u hap klasa e radhës e cila e çon në 53 numrin e  klasave të gjuhës shqipe të çelura nga Shkolla Shqipe në Zvicër

Pas shumë viteve mungesë të shkollës shqipe fëmijët  e kësaj qyteze tani kanë mundësinë t`i ndjekin orët mësimore në gjuhën amtare.

“Shkolla Shqipe në Zvicër, ashtu siç kishin paralajmëruar prindërit, mësuesit dhe koordinatori i saj, mësuesi Vaxhid Sejdiu, do të vazhdojnë përpjekjet e tyre në hapjen e shkollave të tjera. Dhe një gjë e tillë po bëhet realitet nga java në javë. Dhjetëra shkolla presin të hapen në javët në vazhdim. Prandaj prindër të nderuar shpejtoni që t`i regjistroni fëmijët tuaj. Shkolla Shqipe në Zvicër, tani më shtrihet në mbarë Zvicrën, duke punuar me përkushtim prindër dhe mësues. Adresa kontaktuese është Vaxhid Sejdiu, tel. 0041 76 321 26 94 apo në emal adresën: [email protected]” thuhet në njoftimin zyrtar.

Në ditët në vazhdim priten edhe nxënës të tjerë të regjistrohen në këtë pikë shkollore.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.