Komuniteti Shqiptar në Hania nis sot ditën e parë të votimeve për zgjedhjen e kryesisë së re. Lajmi është publikuar edhe në portalin lokal të Hanias.

Në datë 17 dhe 18 do të zhvillohen nga ora 17:00 deri në orën 22:00, kurse më 19/09/2021 ditën e Dielë hapja e tyre do të jetë në orë 8:30 deri më 22:00.

Nga mosha 16 vjeç e lartë votojnë të gjithë që zotërojnë një pasaport Shqiptare.

Zgjedhjet do të zhvillohen në Qendrën e Punës të Hania.

“Ju bëjmë thirrje të gjithë Shqiptarëve që ndodhen në këtë Prefekturë të marin pjesë masivisht në këto zgjedhje, të cilat janë të rëndësisë së madhe për të gjithë ne. Pjesmarrja masive në zgjedhje është çelësi i suksesit vëllezër dhe motra, ku ky çelës hap dyert e të gjitha problematikave që përballemi këtu në emigracion” shkruhet në faqen zyrtare të Komunitetit Shqiptar në Hania.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.