Në kishën Katedrale të Mitropolit të Athinës ndodhet për homazhet e fundit dhe meshën e ceremonisë mortore korifeu me famë botërore Mikis Theodhorakis, që vdiq në 2 shtator në moshën 96 vjeçare. Megjithë shiun e furishëm në Athinë, me qindra të rinj e të moshuar kanë rrethuar Katedralen ndërsa prej 3 ditësh janë kryer homazhe në nder të artistit të madh si nga figura të shquara të artit e politikës ashtu dhe nga populli i thjeshtë.
Mikis Theodhorakis përcillet sot për udhëtimin e fundit me anije për në Chania, Kretë, ku nesër në mesditë, pas homazheve të Kretanëve, do të kryhet ceremonia mortore në varrezën e Galata Chania, ku ndodhet familja e tij. Ky ishte vullneti i tij, siç ishte kujdesur të linte gati me çdo detaj i madhi Theodhorakis.
Presidentja e Greqisë, Katerina Sakelaropulu dhe sekretari i Përgjithshëm i Partisë Komuniste, Dhimitris Kuçumbas do të mbajnë fjalët përshëndetëse
Të pranishëm të gjithë liderët politikë të vendit, kryeministri dhe ministra të kabinetit qeveritar dhe personalitete të njohura nga të gjitha fushat.
Me qindra mijëra të rinj e të kanë rrethuar sheshin qendror të Katedrales, pavarësisht shiut të furishëm që bie sot në Athinë, pas 3 muajsh vapë e padurueshme.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
