Vijojnë regjistrimet për mësimin e gjuhës shqipe në “Shkollën Shqipe Scanderbeg” në qytetin e Parmës Itali. Regjistrimet për vitin mësimor kanë nisur prej datës 30 gusht.
Shkolla, e organizuar me mësues vullnetarë, vihet në shërbim të komunitetit si mundësi për të rinjtë e fëmijët shqiptarë të lindur larg atdheut. Lëndët mësimore që do të jepen janë: abetare, gjuhë e letërsi shqipe, histori e gjeografi shqipe, muzikë e tradita shqiptare, pikturë e art pamor.
Shkolla shqipe “Scanderbeg” në Parma është themeluar në tetor të 2009-ës dhe prej 11 vjetësh tashmë ndihmon në ruajtjen e mësimin e gjuhës shqipe dhe kulturës në brezat e rinj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
