Shkrimtarja shqiptare Denata Ndreca do të jetë sërish pjesë e maratonës së poezisë “Contemporaneamente le parole di Dante” (Aktualiteti i fjalëve të Dantes), nismë e shoqatës kulturore “La Nottola di Minerva” dhe “Giunti Editore”.

Më 12 shtator 2021, ora 17:00 me rastin e festimeve për përkujtimin e 700 vjetorit nga vdekja e Dantes, Rajoni i Toskanës dhe Komuna Poppi, Shoqata Kulturore “La Nottola di Minerva” dhe “Giunti Editore” paraqesin eventin maratonë “Aktualiteti i fjalëve të Dantes”.

Denata Ndreca do të performojë së bashku me shumë poetë të tjerë të angazhuar prej muajsh në përkujtimin e figurës së Dantes.

Kjo maratonë është zhvilluar fillimisht më 25 mars 2021 në Shtëpinë e Dantes “Opera Santa Croce” në Firence, si dhe më 12 shtator 2021 do të organizohet në “Castello di Poppi”.

Gjithashtu maratona do të vijoi në tetor në Panairin Ndërkombëtarë të Librit në Torino etj..

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.