“Tinguj jete midis tokës dhe detit” është një program aktivitetesh që do të realizohen nga Agjencia Kombëtare e Diasporës në Komunitetin Arbëresh në datat 30-31 gusht dhe 1 shtator.
Aktivitetet do të realizohen në dy vende në Horën e Arbëreshëve në Siçili dhe në Cerzeto në Kalabri, dhe përfshijnë takime me përfaqësues të këtij komuniteti dhe ku do të diskutohen çështje me elementët kulturorë, antropologjik, historikë që bashkojnë veçoritë midis Italisë dhe Shqipërisë ndër shekuj.
Pjesë e programit është edhe koncerti artistik “Tingujt e jetës midis tokës dhe detit”, me pjesëmarrjen e artistit shqiptar Aulon Naçi, me ndërthurje të muzikës klasike, instrumenteve dhe poezive arbëreshe. Qëllimi i aktiviteteve është zhvillimi dhe konsolidimi i bashkëpunimit institucional me komunitetin Arbëresh në Itali, me qëllim ruajtjen e gjuhës, vlerave kombëtare dhe kulturore.
Ky është aktiviteti i dytë i këtyre përmasave që Agjencia Kombëtare e Diasporës organizon me arbëreshët. Me herët në tetor të vitit 2019 organizo aktivitetin “Fustanella – Ura lidhëse e Adriatikut”. Një takim etnokulturor me Arbëreshët e Italisë, për të diskutuar mbi elementët kulturorë, antropologjik, historik e folklorik, me qëllim evidentimin e veçorive dhe kostumeve tipike popullore, veçanërisht “Fustanella”, si dhe kërcimet e bukura tradicionale të zonave ku janë vendosur Arbëreshët.
Kalendari i Aktiviteteve
Datë: 30 & 31 Gusht 2021
Vendi: Hora e Arbëreshëve
Dita e parë
Takim me Kryetarin e Bashkisë “Hora e Arbëreshëve”, z. Rosario PETTA.
Takim me përfaqësues të përfaqësisë diplomatike.
Fjalë përshëndetëse nga institucionet përfaqësuese të Diasporës;
Takim me përfaqësues nga komuniteti Arbëresh në Itali;
Ekspozitë e botimeve të QSPA
Koncert artistik me titull “Tingujt e jetës midis tokës dhe detit”, me pjesmarrjen e artistit shqiptar z. Aulon Naçi, kompozitor dhe pianist.
Kuarteti i vargut – Përfaqësues nga Teatri Kombëtar i Operas, Baletit dhe Ansamblit Popullor, me pjesmarrjen e instrumentistëve z. Gëzim Bulçari (violinë), z. Nikola Kondakçi (violinë), z. Flobens Zyma (viole), z. Gëzim Hysi (Violincel).Koncerti artistik, në përbërje ka ndërthurje të muzikës klasike, instrumentave dhe poezive arbëreshe.
Dita e dytë
Së bashku me përfaqësues nga komuniteti arbëresh, vizitë në:
- Piramë
- Muzeun dioçesan i Eparkisë
- Muzeun çivik etno-antropologjik Kola Barbati
Dita e tretë:
Datë 1 Shtator 2021
Vendi: Komuna Cerzeto, Kalabri
Takim me Kryetarin e Bashkisë, Komuna Cerzeto, Z.Giuseppe Rizzo.
Takim me përfaqësues nga komuniteti Arbëresh në Itali.
Fjalë përshëndetëse nga institucionet përfaqësuese të Diasporës;
Ekspozitë e botimeve të QSPA.
Koncert artistik me titull “Tingujt e jetës midis tokës dhe detit”, me pjesmarrjen e artistit shqiptar z. Aulon Naçi, kompozitor dhe pianist.
Kuarteti i vargut – Përfaqësues nga Teatri Kombëtar i Operas, Baletit dhe Ansamblit Popullor, me pjesmarrjen e instrumentistëve z. Gëzim Bulçari (violinë), z. Nikola Kondakçi (violinë), z. Flobens Zyma (viole), z. Gëzim Hysi (Violincel). Koncerti artistik, në përbërje ka ndërthurje të muzikës klasike, instrumentave dhe poezive arbëreshe.
