Të dhëna për emigrimin e shqiptarëve jashtë vendit janë dokumentuar të paktën që në shekujt e pesëmbëdhjetë dhe të gjashtëmbëdhjetë, periudhë kur nisën largimet e një mase të madhe banorësh nga trevat shqiptare. Lëvizja e popullsisë vazhdon ende të mbetet veprues dhe të japë impaktet e sij domethënëse si në aspektet demografike, po ashtu edhe ato sociale dhe ekonomike të vendit.
Periudhat kohore të formimit të Diasporës shqiptare ndryshojnë. E ashtuquajtura “Diaspora e vjetër” përbëhet nga shqiptarë që kanë emigruar para vitit 1944, të cilët konsiderohen Diasporë shumë e hershme, si dhe nga ata që u larguan gjatë viteve 1945-1990 dhe që përkon kryesisht me shqiptarët në ish-Jugosllavi.
Ndërsa “Diaspora e re” përbëhet nga shqiptarë që kanë emigruar pas viteve 1990 dhe përkon me valën e madhe të migrimit pas rënies së komunizmit. Diaspora e vjetër ka qenë e vendosur kryesisht në SHBA dhe disa vende të Evropës Perëndimore, ndërsa diaspora e re është vendosur në Greqi, Itali, Mbretërinë e Bashkuar, Gjermani, Zvicër, Francë etj. dhe më pak në vendet të diasporës së vjetër.
Shqiptarët në Itali kryesisht veçohen në dy komunitete, si rezultat i valëve të ndryshme të mërgimit.
Komuniteti i parë janë arbëreshët, shqiptarë që u vendosën në Itali në mes shekujve XV dhe XVIII, si pasojë e pushtimit osman të Shqipërisë. Ata sot jetojnë kryesisht në Italinë jugore, gjëgjësisht në rajonet: Pulia, Bazilikata, Molize, Kalabria dhe Sicilia.
Komuniteti i dytë janë mërgimtarët shqiptarët që u vendosën në Itali pas rënies së komunizmit në Shqipëri, gjëgjësisht pas vitit 1990.
Mbi 400 mijë shqiptarë jetojnë në Itali dhe janë të vendosur në rajone të ndryshme të shtetit fqinj.
Shqiptarët në Itali dhe regjistrimi sipas rajoneve
Të dhënat e regjistruara të Institutit Kombëtar të Statistikave të Italisë tregojnë se në vendin fqinj jetojnë 421.591 shqiptarë.
Kjo është shifra që rezulton sipas të dhënave të regjistrimit të popullsisë deri në datë 1 janar 2020.
Më shumë shqiptarë rezultojnë rezidentë në rajonin e Lombardisë, 87.859, ndjekur më pas nga Toskana ku jetojnë 58.225 shtetas shqiptarë.
Numri më i vogël i rezidentëve shqiptarë është i regjistruar në Sardenjë, 655 shtetas shqiptarë.
Në Emilia Romagna ekziston gjithashtu një numër i lartë shqiptarësh, 57.148, gjithashtu në Piemonte 39.331 dhe Venecia 32.376.
Në vitin 2014 numri i shqiptarëve të regjistruar ishte 495.709 banorë, në total. /DiasporaShqiptare
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
