Maqedonia e Veriut u bë vendi i parë në rajon, certifikatat për COVID-19 të së cilës do të konsiderohen ekuivalente me Certifikatën Digjitale të BE-së.

Ministri i Shëndetësisë në Maqedoninë e Veriut Venko Filipce, në profilin e tij në Facebook ka publikuar një video ku tregohet mënyra e krijimit të certifikatës së udhëtimit “CommonPass”.

Mënyra e nxjerrjes së certifikatës së udhëtimit CommonPass është shumë e thjeshtë dhe duhet të ndiqen disa hapa;

“Si të nxirrni Common pasaportën?

Në kompjuterin tuaj hapni ueb faqen vakcinacija.mk dhe regjistroheni apo paralajmërohuni në profilin personal.

Kur do të hapet profili juaj, në vendin e duhur shënoni numrin e pasaportës valide dhe shtypni “Gjenero CommonPass cefrtifikatën”.

Kur do të gjenerohet certifikata në celularin tuaj shkarkoni aplikacionin CommonPass.

Në celular vendosni kodin CPNMKD.

Shtypni më tej kurse aplikacioni do t`u kërkojë ta skanoni kodin QR nga certifikata CommonPass.

Pas skanimit me sukses e përfundoni procesin dhe CommonPass-in për vaksinim e keni në celularin tuaj”

Certifikatat për pranimin e vaksinës kundër COVID-19 nga sot do të pranohen në vendet evropiane. Kjo do të thotë se nga sot qytetarët e RMV-së, që kanë marrë dy doza të vaksinës, mund të udhëtojnë në vendet e BE-së, por vetëm nëse kanë marrë vaksina që janë miratuar nga Agjencia evropiane e ilaceve. Krahas certifikatës për vaksinë të pranuar, në BE pranohen edhe vërtetimet se e keni kaluar koronavirusin. /KlanMacedonia

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.