Myrto Uzuni ka gjetur golin e parë për këtë sezon në kampionatin hungarez. Talenti beratas realizoi me 11-metërsh në minutën 68-të në përballjen ndaj Mezokovesd Zsory, të vlefshme për javën e dytë, duke ngritur shifrat në 3-1, teksa më herët kishin realizuar Boli dhe Mak.

Futbollisti i Kombëtares shqiptare, është lideri i Ferencvaroshit, teksa jo më kot sezonin e kaluar u zgjodh si lojtari më i mirë i vitit. Me golin e realizuar në përballjen e sotme, Uzuni i ka hapur rrugën sezonit të ri, i cili pritet të jetë edhe më fantastik se ai i kaluar.