Chip Deva, këngëtarja shqiptare, e cila jeton në Zvicër, në një intervistë flet për jetën, karrierën artistike dhe projektin e saj të fundit në muzikë. Artistja shqiptare është rritur në Gjermani dhe jeton dhe krijon muzikë në Zvicër.

Artistja ka publikuar këngën e saj më të fundit “Pak më shumë” ku thotë se mesazhi kryesor është liria personale pavarësisht dashurisë për dikë.
“Liria për të kërkuar pak më shumë, për mos tu kënaqur me pak”, thotë Chip. Ajo ka rrëfyer se tekstet i shkruan vetë. Ndërkohë artistja flet dhe për interesin në rritje për muzikën shqiptare në Gjermani.

“Në Gjermani dëgjohet me të madhe muzika e artistëve shqipfolës dhe gjuha shqipe është trend dhe të rinjtë në Gjermani po vërehet se shumë e më shumë po shprehin interesim ndaj muzikës shqip”, thotë ajo.

Pak javë më parë Chip Deva pati koncertin e parë me bendin e saj në Zvicër, ku aktivitetet kulturore kanë nisur po jo me publik të madh.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.