Myrto Uzuni do të vazhdojë rrugëtimin e tij drejt fazës në grupe të Ligës së Kampioneve, pasi ekipi i Ferencvarosh ia ka dalë të kualifikohet në play-off të turneut.

Skuadra e Uzunit, falë edhe paraqitjeve të sulmuesit shqiptar kishte siguruar një avantazh të rëndësishëm 2-0 në ndeshjen e parë ndaj Slavias së Pragës. Një diferencë që u mundua të mbronte sot dhe ia doli, ndonëse me shumë vuajtje. Ferencvarosh kaloi pjesën më të madhe të ndeshjes në mbrojtja ndaj çekëve, por në fund humbja 1-0 i mjaftoi për të siguruar praninë në play-off ku e pret Jang Bojz i Zvicrës.

Ndërkohë, për Ernest Muçin, rrugëtimi europian vazhdon në Ligën e Europës pasi Legia e tij është eliminuar nga Dinamo e Zagrebit. Goli i Muçit në sfidën e parë në Kroaci i dha Legias një barazim 1-1, që ishte shumë i mirë para sfidës së kthimit. Por në duelin e sotëm, Dinamo triumfoi 1-0 në Poloni, duke deleguar kështu Legian në play-off të Ligës së Europës. Muçi luajti vetëm 20 minutat e fundit të sfidës, por nuk ia foli që të ndihmonte skuadrën që të siguronte kalimin në turin tjetër./ Panorama Sport

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.