Flakët që u përhapën me shpejtësi pasditen e të hënës në Kalimash duke rrezikur dhe tunelin tashëm janë shëruar në orët e para të mëngjesit të sotëm.
Në ndihmë të forcave për të vënë flakët në kontroll erdhën dhe zjarrfikës nga Kosova. Të hënën në mbrëmje kanë mbërritur 34 zjarrfikës me 9 automjete për terren malor.
Sakaq aktualisht po luftohet me vatra të tjera zarri në zonën e Kukësit.
Vatra e zjarrit mbi tunelin e Kalimashit vuri në rrezik fshatrat përreth si dhe kalimin në tunel nga automjetet. Autoritetet njoftuan të hënën në mbrëmje se po evakuojnë banorët dhe bagëtitë.
Ndërkohë vazhdon zjarri në Majën e Rrunjës në Kukës, në fshatin Thirrë në Mirditë, Muellë dhe Domgjon, pavarësisht punës së zjarrëfikësve.
Në zonën e quajtur “Laku i Thive” në Kukës situata është kritike pasi zjarret janë përhapur gjatë mbrëmjes. Prej orës 6:00 të së martës po bëhet po punohet nga toka dhe nga ajri për të bërë të mundur neutralizimin e tyre.
Zjarrfiksit do të përpiqen të shuajnë të gjithë vatrat në Malin e Rrunjës pasi rrezikojnë banorët dhe shtëpitë në zonën e Shëmërisë.
Përhapja e zjarrit u ndalua në Parkun Kombëtar të Llogarasë dhe u normalizua situata në Malin e Dukatit, në zonën e Voskopojës, në malin e Tomorrit dhe në Krushovë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.