Malta është shteti i radhës që njeh certifikatat shqiptare të vaksinimit të gjeneruar nga sistemi e-Albania.

Lajmi bëhet e ditur nga konsullata e Nderit e Maltës në Shqipëri, siaps të cilës ky udhëzim ka hyrë në fuqi që nga data 9 gusht.

NJOFTIMI

Konsullata e Nderit e Maltës në Shqipëri njofton të gjithë shtetasit shqiptarë që udhetojne për në Maltë se duke filluar nga data 09/08/2021, qeveria Maltese ka miratuar dhe pranon certitifikatat e vaksinimit shqiptare të dala nga sistemi e-albania me kushtet e poshtë shënuara:
1) Çertifikata e vaksinimit është e vlefshme kur është e njohur nga Agjensia Europiane e Mbikëqyrjes te Shëndetit Publik (EMA) për një vaksinim te plotë, (2 doza/ per vaksinat Pfizer, Moderna, AstraZeneca, ose një dozë të vetme / per vaksinen Johnson & Johnson)

2) Udhëtimi është i lejuar 14 ditë pas dozës së fundit të vaksinës.

3) Të gjithë udhëtarët mbi moshën 12 vjeç duhet të bëjnë testin PCR, edhe pse janë të vaksinuar.

4) Udhëtarët që nuk kanë Çertificate vaksinimi, por udhëtojnë me test PCR, duhet të hyjnë në karantinë për 14 ditë sipas rregullave te karantinës dhe shpenzimet e karantines paguhen nga vetë personi që udhëton.
5) Informacione më të hollësishme mbi rregullat e udhëtimit për në Maltë mund t’i gjeni në  kete link.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.