e ardhshëm. Klubi i Ligës së Parë (kategorisë së tretë) në Angli, pasi mbështetet si tifoz nga këngëtari i njohur Ed Shiran, por edhe si ortak dhe sponsor, tani e ka “zyrtarizuar” atë edhe si futbollist. Yllit anglez të popit, ultras i Ipsuiçit, i është dhënë fanella me numrin 17.

Klubi e njoftoi këtë vendim përmes profilit të vet në rrjetet sociale, duke befasuar edhe vetë artistin: “Kur Ipsuiçi më tha, mendoja se ishte duke bërë shaka, por më pëlqen ideja. Mendoj se do të bëjmë një sezon të madh dhe jam i nderuar që jam pjesë e klubit. Shpresoj që kjo puna e numrit në fanellë të jetë vetëm një ritual, sepse do të doja të siguronim ngjitjen dhe ajo nuk mund të vijë nëse unë do të jem në fushë”, tha ai duke qeshur.

Por nëse do të bëhet realitet, atëherë Shiran do të zbresë në fushën e lojës përkrah futbollistit të përfaqësueses Shpresa, Armando Dobra. Ky i fundit është prej dy sezonesh pjesë e skuadrës së parë të Ipsuiç dhe pritet që të gjejë më shumë hapësira aktivizimi në këtë sezon./ Panorama Sport

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.