Sportisti Shefat Isufi, i cili jeton dhe ushtron profesionin në Gjermani, është duke u stërvitur për ndeshjen e tij të radhës. Isufi do të ndeshet në një dyluftim profesionist në qytetin e Lubeck, Gjermani.

“Treningu është duke shkuar shumë mirë, gjithashtu unë jam në formë shumë të mirë dhe mezi pres të ngjitem në ring më 04.09.2021 në Lubeck. Besoj në përkrahjen tuaj dhe besojë që do të ndaheni të kënaqur”, – citon ai në rrjete sociale.

Boksieri 31-vjeçar i lindur në Tërnoc të Bujanocit me nënshtetësi gjermane, ndeshet në kategorinë e mesme dhe ka karrierë të suksesshme me 36 luftëra profesioniste, prej tyre 30 fitore (22 me nokaut), 4 humbje dhe 2 barazime.

Hapat e parë si boksier amator i mori në Kosovë. Në fakt, me boks filloi të merret si anëtarë i Klubit të Boksit ‘Tërnoci’ dhe gjatë kësaj kohe zhvilloi rreth 100 ndeshje në boksin amator, në Kosovë dhe Shqipëri. Ishte kjo një periudhë e vështirë për te sepse përkundërsukseseve në ring, kishte telashe financiare.

Prandaj, djaloshi nga Lugina e Preshevës, pas një karriere të suksesshme në Kosovë dhe Shqipëri, vendosi të shtegton në Munih të Gjermanisë ku nga viti 2010 filloi të merret me boks profesionist dhe shumë shpejtë u bë kampion dhe boksier i suksesshëm edhe në arenën ndërkombëtare

Kushtet më të mira për stërvitje stërvitore në Gjermani i ndihmuan të ngrihet në nivel më të lartë dhe si boksier profesionist të zhvilloj gjithsej 36 ndeshje, prej të cilave i ka fituar 30 fitore dhe atë 22 me nokaut, ka barazuar 2 herë dhe ka pësuar 4 humbje.

Shefat Isufi ka fituar tituj në shumë versione por ato më të rëndësishme ishin titulli i kampionit në WBO InterContinental dhe njëherë kur ishte sfidues i Titullit Botëror në versionin WBO.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.