Në mëngjesin e sotëm në pedanën e “Tokyo International Forum” është paraqitur edhe peshëngritësi ynë i shquar Erkand Qerimaj.

Ai ka konkurruar në baterinë B të peshës deri 81 kilogramë, duke u renditur i pari me 338 kilogramë në dygarësh.

Në stilin e shkëputjes, peshëngritësi Qerimaj, i shfrytëzoi të tria provat që kishte në dispozicion. Ai e filloi garën me 151 kg, për të kaluar më pas në 155 kg dhe mbyllur stilin me 157 kilogramë të ngritura.

Në stilin e shtytjes, në proven e parë Erkandi ngriti me lehtësi 181 kg, ndërkohë që në proven e dytë tentoi 185 kilogramë. Në vërtetë ai e ngriti mbi gjoks shtangën, por nuk shtyu mirë dhe dështoi. Në provën e tretë Qerimaj tentoi të ngrinte 187 kg., por nuk mundi.

Kësisoj, peshëngritësi Erkand Qerimaj, me 338 kilogramë. të ngritura në dygarësh u rendit në vendin e pare në baterinë B, ku duhet thënë se diferenca e tij, me kundërshtarët ishte mjaft e dukshme.

Gjithsesi për të përcaktuar vendin, ku do të renditet përfundimisht peshëngritësi ynë Qerimaj, duhet pritur përfundimi i konkurrimit në baterinë A të peshës deri 91.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.