Kryeministri Edi Rama zhvilloi sot sesionin e 18-të të bashkëbisedimit me aplikantët e nismës “Gati për Shqipërinë”.
Rama tha se “ky cikël sesionesh online sipas fushave, na mundëson njohjen me të interesuarit dhe eksplorimin së bashku të mundësive e formave të bashkëpunimit me ta. Ndërkohë aplikimet vazhdojnë të priten në adresën [email protected]”
“Sot kemi sesionin e 18-të për aplikantët e nismës “Gati për Shqipërinë”. Ky komunikim i sotëm është i pari dhe vlen për të bërë një prezantim paraprak, pastaj do të behet ndarja juaj sipas fushave. Në një moment të dytë do të merrini një e-mail me datën, orën kur do takoni ministren, ministrin përkatës sipas fushës për të bërë një komunikim më të detajuar”, – tha Rama.
Kryeministri Rama tha se “bashkë me mua janë zv/ministrja e Brendshme, zv/ministrja e Drejtësisë, Drejtorja e Përgjithshme e Administratës Publike dhe zv/ministrja e Arsimit, Bora që koordinon këtë program. Është bërë gati edhe një aplikacion për të pasur mundësinë të ndiqni ecurinë e procesit” ”, tha Rama.
Aplikanti i parë Taip Sulko tha se “kam studiuar gjuhë-letërsi shqipe si dhe gjuhën hungareze në Universitetin e Tiranës dhe më vonë kam studiuar Diplomaci dhe Marrëdhënie Ndërkombëtare në Universitetin Ekonomik të Budapestit. Kam bërë një studim në lidhje me zbatimin e ligjit për integrimin e njerëzve me aftësi të kufizuar dhe këtë ekspertizë dhe përvojë dua ta vë në shërbim të ndryshimeve të mëdha dhe pozitive në Shqipëri”.
Ndërsa Almir Gjoka, i cili jeton në Spanjë prej 14 vitesh, është specializuar së fundmi me një master në menaxhim restorantesh shprehu dëshirën të kthehet në Shqipëri.
Alisa Katroshi, soprano tha se “jam diplomuar në Liceun Artistik në Akademinë e Arteve me rezultatet më të larta të mundshme. Jam diplomuar edhe në Verona, Itali, Gjermani dhe Hungari. Do të mbështes çdo iniciativë dhe projekt që unë mendoj se do të ishte mirë të bëhej në Shqipëri për artin, operën, kulturën dhe turizmin”.
Zhyljen Sava, i cli ka përfunduar studimet për Drejtësi me rezultate shumë të larta në Bachelor dhe Master Shkencor, aktualisht është pedagog në Universitetin e Durrësit. Ai shprehu gatishmërinë për të çuar më pranë njerëzve të gjitha shërbimet që lidhen me dokumentet kadastrale.
Një tjetër aplikante Orkidea Abeshi, e cila ka mbaruar studimet për Infermieri të Përgjithshme tha se “kam qenë pjesëmarrëse në aktivitete vullnetare të organizuara nga emergjencat civile vullnetare dhe në shumë konferenca mjekësore.Jam e gatshme të shpreh bashkëpunimin tim”.
Ervis Kaja, i cili jeton e banon në Itali, ka mbaruar studimet për qeverisje e administrim publik. Kaja shprehu gatishmërinë për të kontribuar në atdhe dhe të ushtroj këtë profesion dhe të jap kontributin e tij në marketingun dixhital.
Fjona Ismaili u shpreh se “jam diplomuar për Juridik në Universitetin Bocconi në Milano, Itali. Jam avokate dhe punoj si ndihmës pedagoge në Universitetin e Bocconi-t për të drejtën tregtare dhe në një studio ligjore amerikane me seli në Milano. Mund të kontribuoj në marrëveshjet e tregtisë së lirë”.
Erisjan Bregu, ka mbaruar studimet Bachelor për Marrëdhënie me Publikun dhe po vazhdon studimet Master për Marrëdhënie Ndërkombëtare. Ai shprehu dëshirën të kontribuoj në Ministrinë për Europën dhe Punët e Jashtme sidomos në integrimin e Shqipërisë drejt Bashkimit Europian.
Ndërsa Grisela Prenga, e cila ka mbaruar studimet Bachelor në Shëndet Publik shprehu gatishmërinë për të kontribuar në Ministrinë e Shëndetësisë konkretisht për konsolidimin e profesionit të specialistit të Shëndetit Publik.
Tea Prifti ka mbaruar studimet për drejtësi dhe dëshiron të japë kontributin në fushën e Drejtësisë.
Një tjetër aplikant Florjan Nevraj, i cili jeton prej më shumë se 10 vite në Itali u shpreh se “kam eksperiencë në fushën e bujqësisë konkretisht në mbjelljen e bimës së ekualiptit. Kam dëshirë që ta fus kultivimin e kësaj bime në Shqipëri.
Gentonela Buzo, ka përfunduar studimet e larta në Universitetin e Arteve për pikturë. “Aktualisht falë platformës për ekselentët jam e punësuar në Agjencinë Rajonale të Bregdetit si specialiste monitorimi dhe inspektimi të zonave bregdetare. Shpreh interesin dhe gatishmërinë time për zhvillimin e turizmit dhe artit shqiptar”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
