Në fund të qershorit, Franca (më 25 qershor)dhe Zvicra (me 26 qershor) e kaluan Shqipërinë në listën e shteteve të gjelbërta, pra me rrezik të ulët infektimi.
Udhëtarët që fluturonin drejt këtyre vendeve mjaftonte të kishin biletën, pasaportën dhe maskën.
Por tashmë rregullat janë përditësuar, sipas asaj që bën të ditur Aeroporti Ndërkombëtar i Tiranës.
Nga dje (19 korrik) për hyrjen në territorin e Francës dhe Zvicrës, për një udhëtar që vjen nga Shqipëria:
Nëse udhëtari me pasaportë shqiptare është i vaksinuar me vaksinat e njohura nga EMA ( Agjencia Evropiane e Barnave), konkretisht me Pfizer, Moderna, AstraZeneca, Johnson & Johnson, është i lirë të hyjë lirisht në të dyja shtetet.
Nëse nuk është i vaksinuar ose nëse nuk ka një cikël të plotë vaksinimi, ai duhet të paraqesë vetëm rezultatin e një kontrolli biologjik virologjik (PCR) ose ekzaminimit antigjenik të kryer në më pak se 72 orë para nisjes.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
