Aeroporti kombëtar i Rinasit i kërkon pasagjerëve që të jenë në terminal tre orë para nisjes së fluturimit të tyre.

Sipas njoftimit zyrtar të TIA shkak për këtë kërkesë është rritja e fluksit të pasagjerëve në këto ditë sezoni veror, ardhja e bashkatdhetarëve nga jashtë dhe kontrolli i dokumentacionit për vendet që kanë kufizime për pasaportën shqiptare e sidomos nga Italia.

NJOFTIMI I TIA

📌Njoftim nga TIA
Në vëmendje të të gjithë pasagjerëve që udhëtojnë nga Tirana International Airport
📌Duke marrë shkas nga rritja e fluksit të pasagjerëve që udhëtojnë nga TIA në këto ditë të sezonit veror, si dhe ardhjen e shumë bashkatdhetarëve nga jashtë, kontrollin e dokumentacionit për vendet që kanë vënë kufizime për pasaportat shqiptare – sidomos Italia – si dhe paraqitjen e testit PCR apo antigen në sportelet e TIA-s të pranimit të biletave – sipas kritereve të vendeve ku udhëtoni – sugjerojmë që paraqitja në aeroport të jetë 3 orë #️⃣#️⃣përpara udhëtimit.
📌Kjo kohë do të jetë e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni.
📌Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit, sepse kohërat janë të pazakonta dhe na duhen të gjithëve fuqi të pazakonta.