Musa Avdimetaj, kampioni shqiptar në kategorinë WBC në sportin e boksit në Gjermani, në një intervistë tregon për jetën larg vendlindjes dhe karrierën e tij sportive në sportin e boksit. Boksieri shqiptar është në boksin profesional që nga viti 2014 duke fituar 19 ndeshje nga 21 të zhvilluara.

“Kam nisur të merrem me sport në moshën 9 vjeçare. U frymëzova nga vëllai im, Safet Avdimetaj i cili merrej me sport. Nga ai moment nuk kam ndalur kurrë dhe tashmë jam një boksier profesionist. Familja më ka përkrahur gjithmonë”, shprehet boksieri shqiptar.

Për momentin boksieri ndodhet në Kosovë dhe në një intervistë për “Klan Kosova” tregon se kur është në vendlindje gjithmonë ndihet mirë. “Kur jam në Kosovë zemra kënaqet gjithmonë”.

Musa Avdimetaj  është ndeshur në ring me kampionin e botës 5 herë dhe tregon se kjo sfidë e ka ndihmuar të formohet profesionalisht. “Të merresh me boks është e vështirë, por pasioni më motivon të eci përpara. Kur u munda me kampionin 5 herë të botës ishte e vështirë sigurisht, kisha siguri në vetvete, por në ndeshje u kuptova se eksperiencën e tij në ring. Për boksin kam lënë gjithçka mënjëanë dhe të gjithë pranë meje e kuptonin dhe më kanë përkrahur. Kur u shpalla kampion bote në kategorin WBC isha 19 vjeç dhe isha aq I lumtur sa flija me rripin e fitores”, tregon boksieri nga Kosova.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.