Mjeku Dr. Pashko Rrok Camaj, i cili punon si drejtor i Shkencave të Shëndetit Publik dhe Ambientit në Nju-Jork, ka folur rreth mutacioneve dhe variantit Delta të virusit Covid-19.

Në intervistën e tij për “Alb Tv USA”, ai thekson se këto ndryshime e dobësojnë virusin, pavarësisht se e ndihmojnë që të shpërndahet më lehtë, mutacionet ulin virulencën. “Varianti Delta tregon se është 50% më i transmetueshëm se Alpha, është dyfishuar transmetueshëria e virusit nga origjinali deri më sot”, – shprehet dr. Camaj.

“Ndryshimet që po pëson Covid janë normale në variantet e viruseve. Zakonisht mutacionet normalisht e dobësojnë virusin, nuk janë më aq shumë vdekjeprurës. Virusi futet në qelizat tona dhe kërkon që të krijojë mutacione të reja dhe më pas krijohet një virus i cili bëhet më dominanat dhe transmetohet më lehtë, siç është varianti Delta, por nuk janë të rrezikshëm. Problemi është se kur mund të ndalojnë këto mutacione. Në botën e viruseve, mutacionet ndodhin shumë lehtë dhe këto viruse transmetohen shumë më lehtë, por këto mutacione që transmetohen më lehtë, edhe simptomat i kanë më të lehta. Sigurisht vaksina është një mburojë shumë e mirë. Rreziqet ekzistojnë edhe për personat e vaksinuar, por sigurisht simptomat janë shumë më të lehta”, shprehet mjeku Camaj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.