Aeroporti Ndërkobëtar i Rinasit bën apel sërish që udhëtarët me linjat ajrore për në Athinë dhe në Kretë e kanë të detyrueshëm të plotësojën formuarin PLF 24 orë para udhëtimit. Në të kundërt ata nuk do të mund të udhëtojnë dot.
“Në vëmendje të pasagjerëve që udhëtojnë drejt Greqisë, aktualisht drejt Athinës dhe Kretës, ju rikujtojmë që është i detyrueshëm të plotësohet formulari PLF 24 orë para udhëtimit. Në rast se ky formular nuk plotësohet brenda këtij afati, nuk udhëtoni dot.
Ju lutem gjeni formularin në këtë link:
https://en.aegeanair.com/passenger-locator-form/”, thotë TIA.
Sakaq, bëhet e ditur se pasagjerët do të marrin një kod QR i cili do të përdoret nga Mbrojtja Civile Greke për identifikimin e testit Random Covid-19 pas mbërritjes. Familjet gjithashtu mund të pranohen me vetëm një e-mail të përbashkët konfirmimi PLF dhe gjithashtu mund të pranohen me kodin e tyre unik PFL/QR.
Kujtojmë se fluturimet direkte me Kretën nisën që më 22 qershor me Aegean Airlines, dy herë në javë, të Martave dhe të Premteve.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
