Eriola Galanxhi humbi punën për shkak të pandemisë dhe hapja e një kafeneje rock’n’roll që ishte një ëndërr e saj u bë realitet në atë kohë.
Lola jeton në Kanada që kur nisi studimet për psikologji dhe punë sociale për të ndjekur ëndrrën e saj për tu bërë psikologe. Punët që ka bërë kanë qenë të ndryshme që nga kuzhina në një dyqan picash, në pastrim kimik, kujdestare fëmijësh e mësuese ndihmëse në çerdhe.
Një nga vendet që nuk ka punuar kurrë është një kafene kështu që ajo mendoi të sfidonte veten për të hapur njëtë tillë. Lola thotë se nuk do e kishte punësuar asnjë pronar kafeje, pasi nuk kishte përvojë.
“Qëllimi im është të jem komode që të punësoj dikë pa përvojë dhe ti jap një shans. Verën e shkuar u zgjova dhe thashë ‘Ky është objektivi im i fundit në Kanada dhe do të bëj atë të duhur dhe do ndjek atë që dua të bëj më shumë.
Kështu, Lola mësoi vetë të bënte kafe ekspress duke parë videot në YouTube dhe duke u pratikuar me makinerinë që e instaloi në kafene disa ditë para hapjes. Ishte më pas pronari i kafenesë Antikka që pranoi ta mësonte për rreth një orë.
“Ne të dy ndajmë të njëjtin interes për kafen dhe muzikën, kështu që mund të them se ai theu zinxhirin e njerëzve duke thënë jo dhe duke vepruar sikur të ndihmojnë por që nuk e bëjnë. Unë kam respekt të madh për këtë dfjalë dhe i uroj gjithë të mirat. Disxa ditë më vonë hapa Lola’s Coffee dhe komuniteti e mirëpriti si të tyren”, rrëfen Lola.
Kjo kafene përmbledh frymën e saj rebele, energjike me një murale që përshkruan grupin e saj të preferuar Led Zeppelin.
“Rock n ‘roll” më ka ndihmuar para një provimi, kur një i dashur ka ndërruar jetë, para një takimi, pas një ndarjeje. Unë performoj më mirë në punë kur dëgjoj muzikë”, thotë Galanxhi.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
