Thirrjen për protestë e kanë mbështetur gjithë komuniteti shqiptar në Greqi, shoqata, organizata, aktivistë, individë të thjeshtë, kushdo! Nga “Komuniteti Shqiptar në Greqi” dërgon thirrje për bashkim si dhe detaje të tjera të aktivizimit të sotëm Rovena Xhori, anëtare e kryesisë së organizatës më të madhe të emigrantëve, për momentin, në shtetin grek:
Sot i bashkohemi thirrjes për protestë me këto kërkesa:
-Hapja e kufijve pa kufizim të numrit të shqiptarëve të cilët mund të kalojnë në pikat kufitare gjatë ditës.
-Lejimi i hyrjes së turistëve shqiptare në Greqi, sipas marrëveshjes Schengen.
-Heqja e detyruar e formularit Protokollit të Mbërritjes në Greqi (PLF).
-Mospërdorimi i kontigjentit të emigrantëve shqiptare ne Greqi si shantazh, për qëllime të politikave të jashtme.
MASAT PËR MBARËVAJTJEN E PROTESTËS
Protesta paqësore është një thirrje spontane e aktivistëve të vjetër të komunitetit shqiptar në Greqi, si pasojë e vendimeve të qeverise vendase për shtyrjen e vazhdueshme të hapjes së kufijve dhe qarkullimit të lirë të shtetasve shqiptar si pasojë e pandemisë, gjë që nuk ndodh me shtetas të vendeve të tjera të rajonit. Protesta është bërë e njohur nëpërmjet rrjeteve sociale, portaleve dhe mediave të shkruara në Greqi e Shqipëri. Shpresojmë që kjo kauzë të marri përmasa të gjera e të na gjejë sot në orën lokale 18:00 të gjithëve të bashkuar përpara parlamentit grek. Impakti në qeverinë greke, do të jetë në proporcion me pjesëmarrjen dhe lëvizje të tjera të koordinuara që do të pasojnë, në vartësi të rezultatit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
