Fiona Mali, një nga 4 arkitektet që do të përfaqësojë Shqipërinë në Bienalen e Venecias tregoi në Euronews Albania se “Në shtëpinë tonë mbi fqinjësinë dhe bashkëjetesën” është pavioni me të cilën do të prezantohen.
“Titulli është në ‘Shtëpinë tonë mbi fqinjësinë dhe bashkëjetesën’ dhe lidhet drejtpërdrejtë me përgjigjen që ne i japim pyetjes së shtruar nga kuratori Harkim Sarkis që është: Si do të jetojmë së bashku?”, u shpreh ajo.
“Përgjigjja jonë ka qenë e drejtpërdrejtë: Njih fqinjin tënd dhe prandaj ne trajtojmë fqinjësinë dhe mënyrën sesi ne kemi jetuar së bashku, për të kuptuar si mund t’i rikthehemi jetës sonë të bashku në këtë epokë të re”, tha ajo më tej per “Euronews Albania”.
Mali nënvizoi se gjithçka është paraqitur nëpërmjet dy mjeteve. Sipas saj, mjeti i parë është nëpërmjet dëshmive personale të shumë personave.
Ndërsa, mjeti tjetër është nëpërmjet materialit filmik që e tregon në aksion sesi fqinjët i kanë shkëmbyer këto gjëra me njëri-tjetrin. Në Bienalen e Venecias marrin pjesë 61 shtete.
Fiona Mali përfaqësohet bashkë me 3 arkitekte të tjera që janë: Irola Andoni, Malvina Ferra dhe Rudina Breçani.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
