Akademiku Vasil Tole ka publikuar dy botime elektronike (e-book) “Trashëgimia kulturore shqiptare” dhe “Trashëgimia kulturore Europiane”. Promovimin e botimeve elektronike akademiku Tole zgjodhi ta bëjë me nxënës nga Liceu artistik “Jordan Misja” në Tiranë.

Këto dy botime janë nismë dhe realizim i Akademisë së Artit dhe Trashëgimisë-ODEA, me mbështetjen e Ministrisë së Kulturës, shkruan akademiku Tole.

E-book “Për trashëgiminë kulturore shqiptare” përmban informacione thelbësore tekstore për trashëgiminë kulturore materiale dhe jo materiale e mjedisore të Shqipërisë, legjislacionin kombëtar dhe ndërkombëtar, monumentet e kulturës si dhe listën e “Kryeveprave kombëtare shpirtërore”, institucionet e ruajtjes dhe edukimit, etj, shoqëruar me ilustrime fotografike, skica e linke për dokumentimin e saj etj..

E-book “Për trashëgiminë kulturore evropiane” përmban informacione thelbësore tekstore për trashëgiminë kulturore materiale dhe jomateriale e atë mjedisore të Evropës, identitetin kulturor evropian, simbolet kulturore zyrtare, muzetë dhe arkivat si institucione të edukimit, monumentet e kulturës dhe dukuritë shpirtërore, trashëgiminë arkeologjike nënujore, të shoqëruara me ilustrime fotografike, skica e linke për dokumentimin e saj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.