Në kuadër të 150 vjetorit të veprimtares Sevasti Qiriazi, Akademia e Shkencave origanizon ditën e premte, më 21 maj, veprimtarinë jubilare.

Në këtë takim, i cili do të ketë pjesëmarrje të drejtëpërdrejtë dhe online, do të moderojë akademiku Pëllumb Xhufi. Gjithashtu do të referojnë Prof.as.dr. Teuta Toska, Prof.dr. David Hosaflook, z.Robert Dako, z.Gjokë Uldedaj etj.

Sevasti Qiriazi-Dako ishte njëra prej femrave atdhetare shqiptare dhe nismëtare e organizimit të arsimit kombëtar për femra.

Ajo lindi më 24 shkurt të vitit 1871 në Manastir. Gjatë qëndrimit në Stamboll, Naim Frashëri ai që i dha mundësi Sevasti Qiriazi-Dakos të studionte në kolegjin me emër Robert College në Konstandinopojë e të luante një rol aktiv në arsimimin e grave. Shkollën e lartë e kreu në Stamboll, pas kthimit në atdhe nisi të punojë për shkollën shqipe të vashave. Ajo qe e para grua shqiptare që studioi në këtë institucion amerikan, të cilin e kreu në qershor të vitit 1891.

Me t’u kthyer në Shqipëri ajo mori pjesë në ngritjen e shkollës së vashave në Korçë më 1891.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.