Lidhja e Gruas Shqiptare ka zhvilluar një takim me Presidenten e Shoqatës së Fëmijëve me Aftësi të Kufizuara “Mana”.
Kryetarja e Lidhjes Mirjana Hasalla, anëtarja e Lidhjes dhe gazetarja Nilda Basha dhe Presidentja e shoqatës “Mana”, Eleni Kuraku diskutuan lidhur me mundësitë e bashkëpunimit mes tyre.
Hasalla dhe Basha në Qendër u mirëpriten nga znj. Kuraku, e cila i njohu me ambientet, dhe panë nga afër punën e bërë në këtë institucion.
Funksioni i kësaj Qendre, ku u ofrohen shërbime edhe mjaft bashkëatdhetareve shqiptarë, ka në thelb mbështetjen dhe integrimin shoqëror të Personave me Aftësi të Kufizuara, kujdesin për jetesën e tyre përmes programeve të ndryshme, aktiviteteve, si edhe rehabilitimin praktik të personave me Autizëm, Sindroma Daun, aftësi të kufizuara të lëvizjes ose çrregullime të tjera të zhvillimit.
“Ne i shprehëm Presidentes Znj. Eleni Kuraku, dëshirën tonë për veprime të përbashkëta, brenda mundësive të të dy palëve dhe ramë dakord të jemi në kontakt e të bashkëpunojmë e mbështesim Qendrën e Fëmijëve me Aftësi të Kufizuara “Mana”.
Lidhja e Gruas Shqiptare në Greqi vazhdon me shumë sukses aktivitetet në lidhje me natyren sociale, me qëllim shpërndarjen e vullnetarizimit dhe pergjegjësisë shoqërore në radhët e anëtareve të Lidhjes tonë”, shprehet në një postim në Facebook znj. Hasalla.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.