Në Tiranë është zhvilluar konferenca ndërkombëtare “Dialogjet Arsimore ukraino-shqiptare”, ku u fol për fushat e mundshme të bashkëpunimit në fushën e arsimit mes dy vendeve.

Konsulli i nderit të Shqipërisë në Ukrainë, Bledar Bajraktari falenderoi në fjalën e tij organizatorët dhe foli për eksperiencën e tij në fushën e arsimit në kohën e Bashkimit Sovjetik.

Ai theksoi se ky është një event historik në marrëdhëniet mes dy vendeve dhe marrëdhëniet rajonale.

“Aktiviteti i sotëm do të japë një impuls në marrëdhëniet mes qytetit të Kharkov dhe Tiranës”, tha z. Bajraktari duke shtuar se shpreson që gjithçka që u promovua në këtë konferencë të realizohet në të ardhmen. Ai nuk la pa përmendur edhe studentët shqiptarë në Ukrainë të cilët që nga viti 2015 mësojnë gjuhën shqipe që mundësohet nga ministria e Diasporës.

Ndërkaq, përfaqësuesit e arsimit në Ukrainë prezantuan institucionet e tyre dhe kurrikulat që zbatohen në to, si dhe përfshirjen dhe sukseset e nxënësve vendas.

Nga ana e përfaqësuesve shqiptar u fol mbi eksperiencën e mësimit online në këtë vit pandemia duke mos humbur kohë në zhvillimin e mësimit. Mësimi është marrë përmes platformës akademia.al dhe televizionit publik shqiptar.

Sakaq përfaqësues të arsimit shqiptar theksuan si arritje vaksinimin e mësuesve e cila bëri të mundur hapjen e shkollave.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.